Jólasveina haiku :: Þvörusleikir

  Þvörusleikir mjór
  frelsaði pottasleifar
  eldabuskum frá

 

 

 

 

 

Ég rakst á þessa mynd hjá Þjóðminjasafninu.

Jólasveina haiku :: Stúfur

Stúfur hét stubbur
sem pönnur gjarnan hirti
og innúr þeim skóf

 

 

 

 

 

Myndin er að venju tekin af vef Þjóðminjasafnsins (sem veit ekkert af því).

Jólasveina haiku :: Giljagaur

  Giljagaur í fjós
  með gráan hausinn sótti
  mjólkurfroðu stal

 

 

 

 

 

 

Mynd stolið (í þetta sinn) af vef Þjóðminjasafnsins.

Jólasveina haiku :: Stekkjastaur

Fyrir nokkrum árum samdi ég jólasveina haiku í tilefni þess að jólasveinarnir fóru að týnast til byggða. Þetta er sú fyrsta enda kom sá fyrsti í morgun. Njótið vel. 

Hann Stekkjastaur vill
ærnar stirðfættur sjúga
það gengur ei vel

 

 

Ljósmyndin er fengin að láni frá vef Þjóðminjasafnsins.

Four Yorkshiremen - Monty Python

 

Textinn er hér. Þetta toppar enginn, ekki heldur hausverkjaparið hans Jens.

Skegg á skegg ofan (eða Úrslit heimsmeistarakeppninnar í alskegg- og yfirvarahárvexti 2007)

  Þar sem Gúrúinn hefur haldið uppi sprettu á grönum um nokkurt skeið fannst honum þessi keppni ansi áhugaverð. Uppskera Gúrúsins á nú langt í land með að ná þessum fræknu verðlaunapallaandlitsgróðri og hann hyggur ekkert á neinn frama í þeim efnum. Keppninni er hins vegar komið á framfæri hér öðrum til yndis og ánægjuauka.

The 17th century women's guide to looking good

 

 

 

  Eintak fágætar handbókar frá árinu 1694, The Ladies' Dictionary: being a General Entertainment for the Fair Sex, verður boðið upp í næsta mánuði. 

 

 

  Í henni er að finna ráð varðandi  megrun, make-up, stefnumót en aðallega er fjallað um það sem hrjáir konur enn þann dag í dag en það er skvapholdið.

 

  Lesið meira um handbókina.

Snilldarúttekt á týpum fréttabloggara

Ég rakst á snilldarúttekt á týpum fréttabloggara og verð að leyfa öðrum að njóta hennar líka.

Sultukeppni og grænmetismarkaður

 

Fjölskyldan skrapp upp í Mosfellsdal á grænmetismarkaðinn þar. Við höfum lengi ætlað að fara og nokkrum sinnum rennt við en þá var enginn markaður í gangi. Nú höfðum við erindið sem erfiði og upplifðum lokin á sultukeppninni.

 

Við keyptum helling af hollustu og tvær krukkur af sultu en fórum áður en úrslit sultukeppninnar lágu fyrir, enda skemmtilegra að velta því fyrir sér hvort maður hafi nú rambað á úrvalssultuna sem hlaut náð fyrir augum og bragðlaukum sultudómnefndarinnar.

 

Það verður amk mikil pæling yfir ísnum með hindberjasultunni hvort hún hafi unnið eða hvort rabbabarasultan með klementínum og engifer hafi haft betur. Hvort sem er þá hafa bragðlaukarnir okkar unnið, því þetta eru úrvals sultur báðar tvær. 

Fyrir unnendur þýðverska lýðveldisins og aðra áhugamenn...

Lestur þessarar greinar minnti mig á margar góðar stundir sem ég hef átt á þeim stað sem um er fjallað. Nú er ekki laust við að maður sakni liðinna ára í Þýskalandi hinu góða.

Hver veit nema maður reyni að endurvekja þessar minningar hér heima á Fróni, veit einhver hvar hægt er að fá svona fínheit?