Jólasveina haiku :: Giljagaur

  Giljagaur í fjós
  með gráan hausinn sótti
  mjólkurfroðu stal

 

 

 

 

 

 

Mynd stolið (í þetta sinn) af vef Þjóðminjasafnsins.

Jólasveina haiku :: Stekkjastaur

Fyrir nokkrum árum samdi ég jólasveina haiku í tilefni þess að jólasveinarnir fóru að týnast til byggða. Þetta er sú fyrsta enda kom sá fyrsti í morgun. Njótið vel. 

Hann Stekkjastaur vill
ærnar stirðfættur sjúga
það gengur ei vel

 

 

Ljósmyndin er fengin að láni frá vef Þjóðminjasafnsins.

Ljóðaskrif á íslensku og ensku

Ég hef verið undanfarið að dunda mér við að skrifa haiku og önnur ljóð nær eingöngu á ensku. Það opnaðist fyrir mér heimur ljóðaunnenda á netinu og ég gekk inn í samfélag þar sem heitir pathetic.org.

Fyrst skrifaði ég eingöngu haiku en hef hent inn öðrum ljóðum svona inn á milli eftir því sem skáldskapargyðjan hefur blásið mér í brjóst.

Haiku er ævafornt japanskt ljóðform, 3 línur að lengd og reynir að fanga andartakið. Haiku vísar alltaf til einhverrar af árstíðunum fjórum. Haiku er 5/7/5, það er að segja að fyrsta og þriðja línan eru 5 "on" að lengd en önnur lína 7.  Yfirleitt er einnig einskonar hik eða "brake" í haiku og þá í enda fyrstu eða annarar línu.

Ef viðfangsefnið er mannlegur breyskleiki og gamansemi þá kallast ljóðformið senryu en er að öðru leyti eins nema hvað það vantar árstíðartilvísunina og hikið.´

Einnig er til tanka (sem er fimm lína ljóð, 5/7/5/7/7, sem ég hef reynt örlítið við.

Ég hef verið hreinlínumaður í haiku skrifum, aðhyllst gamla skólann sem segir að japanska "on" sem ræður lengd línanna samsvari vesturlensku atkvæði. Það er ekki hægt að leggja "on" að jöfnu við atkvæði þannig að nýrri stefna í vesturlenskri haiku hefur verið að hafa haiku þrjár línur að lengd og ekki hafa meira en 17 atkvæði í ljóðinu sjálfu en skipting atkvæðanna sé orðin frjálsari.

Ég hef rétt verið að prófa þessa nýju haiku stefnu á ensku og líkar vel. Mig hefur lengi langað að gera veg haiku hærri á Íslandi en einhverra hluta vegna spreyta fá skáld sig á því ljóðformi. Ef einhver hefur áhuga á að vita meira um haiku, senryu eða tanka þá er þeim sama velkomið að hafa samband.

Ég bloggaði á haiku-formi í u.þ.b. ár og hér má sjá afraksturinn. Þeir sem nenna að lesa sig í gegn um þetta fá punkt hjá mér.

my rough face caressed - ljóð

my rough face
caressed by
infant fingers

my stubble played with
by tiny hands
softer than silk

a toothless smile
and silent laughter
feasting my eyes

a wet kiss
planted on my nose
and sucked hard

in the hope of
nourishment other than
my abundant love

hann seldi skrúfur onlæn (tanka)

hann seldi skrúfur

onlæn á undirverði

á tíkall stykkið

verð varð honum að falli

þýskum trésmíðakalli 

 

Stal milljón skrúfum

hættur í ká err (senryu)

hættur í ká err

enda óskemmtilegt þar

fannst honum err ká

Rúnar Kristinsson er hættur með KR

einn, átta, tíu (senryu)

einn, átta, tíu,

fjórtán, tuttuguogsex,

enginn giskar rétt 

Enginn með lottótölur réttar

Kristján afsakar (senryu)

Kristján afsakar

án þess að hafa meint það

hvar er Marshallinn?

Kristján biðst afsökunar

Sálufélagar (senryu)

Við döðrum saman

og skiljum í kjölfarið

- sálufélagar 

Daður á netinu endar með skilnaði

Skapstillandi? (senryu)

Trúboð mun hafa

skapstillandi áhrif á

sauðdrukkinn mannskap 

Geir Jón telur trúboð leysa miðborgarvanda