Allir sammála í skoðanakönnun minni

...sem mér finnst bara helv flott. Ég skora á ykkur að gera betur og fá betri og einharðari niðurstöðu í skoðanakönnun sem þið setjið fram, kæru bloggvinir. 

Hins vegar er ekki of seint að taka þátt í henni ef einhver vill, hún verður opin enn um sinn.

 

 

Hvað lesa margir eldri færslur?

 

Ég hef verið að velta því fyrir mér hvort menn lesi almennt eldri færslur bloggara eða hvort fréttatengd færsla sem smellt er á fái allan lesturinn. Sömuleiðis sést einungis nýjasta færsla bloggvina þótt þeir hafi þess vegna skrifað einar 20 frá því maður fór síðast inn (t.d. menn eins og Bolur Bolsson). Ekki dugir að smella á viðkomandi, nýtt merkið hverfur ekki nema  smellt sé á færsluna sjálfa.

Ég hef það fyrir reglu að lesa fleiri færslur þegar ég skoða ntýja bloggara og passa mig alltaf á því að renna yfirfærslulistann þegar kíkt er á bloggvini. Oftar en ekki hafa leynst þar eðalfærslur sem hefðu ella farið fram hjá mér og þar með forgörðum.

Hvað finnst fólki um þetta? Hvað gerið þið? Núna strax á eftir þessari færslu kemur önnur sem verður nýjust. Verður bara hún lesin en ekki þessi? Er þetta týnd færsla?

Oxymoronið "óheiðarlegur dópsali"

Ég hefði nú farið með henni að endurheimta féð og handtekið hana svo ásamt dópsalanum óheiðarlega. En hvenær er annars hægt að kalla dópsala óheiðarlegan? Þegar stjórnmálamenn verða heiðarlegir? Lögfræðingar mannlegir? Þegar Hel frýs?

Hringdi í lögregluna til að kvarta yfir kókaíninu

Skyldur Sinatra?

Er Shinawatra ekki tælenska útgáfan af Sinatra? Honum rennur þá blóðið til skyldunnar að þræða skuggahliðar frægðarinnar með hjálp "góðvina".

Handtökutilskipun gefin út á hendur Thaksin Shinawatra

Blindur ekur höltum...

Sorrí, ég stóðst þetta bara ekki

Blindur ökumaður stöðvaður á ný

Innpakkaðir kálbögglar í náttfötum?

Þeir snæða saman "óformlegan hádegisverð" og það í "gæsalöppum" !!

Þegar ég tek mig til þá snæði ég óformlega hádegisverð. Þeir hafa væntanlega gert það sama, þ.e. snætt óformlega saman hádegisverð.

Annars þætti mér gaman að vita hvernig hádegismatur "óformlegur hádegismatur" er. Innpakkaðir kálbögglar í náttfötum? Eyvindur á inniskóm? Lausgirt bjúgu? Myndir óskast, takk!

Bush og Sarkozy snæða saman „óformlegan hádegisverð“

Nýjasta rulla Ben Affleck?

Ben Affleck liggur á góðum kvikmyndahugmyndum. Meira að segja ég myndi láta til leiðast að fara á svona mynd með honum.

Fyrir unnendur þýðverska lýðveldisins og aðra áhugamenn...

Lestur þessarar greinar minnti mig á margar góðar stundir sem ég hef átt á þeim stað sem um er fjallað. Nú er ekki laust við að maður sakni liðinna ára í Þýskalandi hinu góða.

Hver veit nema maður reyni að endurvekja þessar minningar hér heima á Fróni, veit einhver hvar hægt er að fá svona fínheit? 

Hér er slóðin...

http://www.icelandonline.is/kolbeinn_vopni_sigurdsson/hverafold48_2007.htm

Varað við verktaka á vefnum

Er þetta hægt???

...honum var sleppt úr gæsluvarðhaldi sem hann sætti í hálft ár vegna síbrota...

Má setja fólk í gæsluvarðhald vegna síbrota? Hvers vegna er þá ekki hægt að halda nauðgurum, handrukkurum og öðrum ofbeldisseggjum eitthvað lengur en sem tekur að taka af þeim eina skýrslu?

Eða þeim sem rembast við manndráp með því að aka drukknir eða undir öðrum áhrifum? 

Síbrotamaður dæmdur í 45 daga fangelsi