Jólasveina haiku :: Kertasníkir

Kertasníkir kom
tólgarkertin mörg að fá
elti börnin glöð

Jólasveina haiku :: Ketkrókur

Ketkrókur stingur
stuttum stautnum niður stromp
veiðir væna flís

Jólasveina haiku :: Gáttaþefur

Nefið Gáttaþefs
laufabrauðslykt finnur æ
langt upp á heiðar

Jólasveina haiku :: Gluggagægir

Grályndur er hann
Gluggagægir - hnupla kann
því sem utan frá sést

Jólasveina haiku :: Bjúgnakrækir

Bjúgnakrækir snar
rjáfrin klífur og krækir
sér í bjúgað þar

Jólasveina haiku :: Skyrgámur

  Skyrgámur brýtur
  upp sáinn - í sig hámar
  rumurinn skyrið

Jólasveina haiku :: Hurðaskellir

Hurðaskellir hátt
lætur þegar fólkið vill
fá sér dúr og hvíld

Jólasveina haiku :: Pottaskefill

Pottaskefill ber
að dyrum og stelur pott
- skefur hann hreinan

 

 

 

 

 

Vísindavefurinn á þessa mynd.

Jólasveina haiku :: Þvörusleikir

  Þvörusleikir mjór
  frelsaði pottasleifar
  eldabuskum frá

 

 

 

 

 

Ég rakst á þessa mynd hjá Þjóðminjasafninu.

Jólasveina haiku :: Stúfur

Stúfur hét stubbur
sem pönnur gjarnan hirti
og innúr þeim skóf

 

 

 

 

 

Myndin er að venju tekin af vef Þjóðminjasafnsins (sem veit ekkert af því).