Vaskur stjóri verslunar

Söluskálinn á

Egilsstöðum lækkar ei

verð á matvælum

Vaskur stjóri verslunar

varast að breyta verði

Söluskáli KHB lækkaði ekki verð í morgun

Heiðmerkurljóð

Þættinum barst tölvubréf:

Gunnar hefur holdin best
hulin vænni puru
Sagður elska ýtur mest
en ekki greni og furu

Kópavogi ríkur réð
með ráðslag allt til sóma
Undirhöku hnellna með
og heldur digurróma
 

Reykjavík er ríki eitt
sem ræflar einir byggja
og gera flestum lífið leitt
og landsmenn aðra hryggja
 

Dólgar réðu veitu vatns-
og vildu á henni græða
Þá mælti Gunnar mikið hvass:
"Vér munum eigi blæða"
 

Sendi ýtur allar skjótt
- ítem gröfur vænar -
upp í Heiðmörk undir nótt
og atti á hlíðar grænar
 

Það frétti peysu- lopa- lið
og lagsmenn kommónista
og upphóf skjótt að sínum sið
að senda kærulista
 

Engra griða Gunnar bað
- geystist skjótt í slaginn -
féndur alla í kútinn kvað
í Kastljósi um daginn
 

Skelfir Gunnar skógarmenn
sem skæður refsilogi
Sílspikaður situr enn
í sæmd í Kópavogi

Out of sight...

out of mind. Orwellsk hugsun tröllríður Bretlandi. Fallnir hermenn eru ekki til lengur, sérstaklega ef þeir falla í vandræðalegu stríði (ef hægt er að kalla klúðrið í Írak stríð)

Varnarmálaráðuneyti Breta hindraði störf myndlistarmanns

Gott að skynsemin hefur ekki yfirgefið þjóðina alveg

„Traust stjórnarfar er forsenda þess að lýðræði fái þrifist. Til þess að svo geti verið verður að virða reglur um jafnræði – líka þegar þær snúa gegn þeim sem stunda iðju og athafnir sem ekki er öllum að skapi,“ segir í ályktun Heimdellinga vegna málsins.

Gæti ekki sagt þetta betur sjálfur. En þeir hafa örugglega stolið þessu frá Voltaire ...

Heimdallur hvetur stjórnvöld til að hafa í heiðri hefðir réttarríkisins

Óháð eða óviss?

Skemmtileg pæling hjá Eyglóu Harðar. Annars finns mér óþolandi að sveitarstjórnarfólk sé í þingmennsku og öfugt. Auðvitað skarast þessi tvö svið á. Fyrir utan að þingmannsstarfið ætti að vera yfrið nóg starf að ekki þurfi að taka að sér aukaverk - nema ef vera skyldi að sumarfríið og öll hin fríin séu bara afslappelsi, þá er þetta skiljanlegra...

Björk Vilhelmsdóttir gengin í Samfylkinguna

442,4 tóku afstöðu

Er þetta marktækt? Eini punkturinn sem ég kem auga á í þessari könnun er að fylgi Frjálslyndra lækkar enn.

Fyrsta ályktun VG er klám!

"...ef banna ætti klám myndi það ekki draga úr kynferðislegri misnotkun, e.t.v. væru meiri líkur á að hið gagnstæða gerðist. Betra væri að eyða tíma, orku og peningum í eftirfarandi:
1.    Rannsaka betur hvernig hægt sé að fyrirbyggja nauðgun og aðra kynferðisglæpi.
2.    Búa til betra kynferðislega opinskátt efni, þar sem manngildi eru í hávegum höfð.
3.    Vinna að félagslegum og efnahagslegum jöfnuði í þeim löndum þar sem þrælasala, þ.m.t. mansal viðgengst."

Afritað af http://jonaingibjorg.blog.is/blog/jonaingibjorg/entry/129179/

"Órjúfanlegt samhengi ríkir milli kláms, vændis og annars kynferðisofbeldis. Enginn á að þurfa að taka þátt í kynferðislegum athöfnum gegn vilja sínum. Einstaklingur sem starfar í klámiðnaðinum vegna neyðarinnar einnar og/eða gegn vilja sínum er því beittur kynferðisofbeldi. Ljóst er að sú er raunin með stóran hluta þeirra sem starfa í klámiðnaðinum. 
Klámvæðingin hefur auk þess ótvíræð neikvæð áhrif á samfélagið og hegðan einstaklinga innan þess. Rannsóknir kynjafræðinga hafa sýnt fram á sterkt samband milli neyslu kláms og ofbeldis gagnvart konum og börnum. Í kjölfar klámvæðingarinnar eru nauðganir orðnar grófari og hópnauðganir alvarlegri, í fullu samræmi við þróun klámvæðingarinnar."

Afritað af http://vg.is/default.asp?news_id=6944

Hér greinir Ingibjörgu Jónu, hjúkrunar- og kynfræðing, á við fyrstu ályktun landsfundar VG.

Ef ég ætti að veðja á hvor hefur rétt fyrir sér, myndi ég ekki vinna mikið því það geta varla verið margir sem veðja á VG í þessu máli. Eru VG virkilega að mæla þessari skoðunarskoðun (sbr. orðið ritskoðun) sem átti sér stað þegar klámráðstefnunni var úthýst bót? Vilja VG skilgreina nánar hver er þeim þóknanlegur sem ferðamaður til landsins? Og hvað á þá að gera við hina óþóknanlegu? Setja þá á sama stall og Falun Gong liða og tukta þá í barnaskóla í Njarðvíkum þangað til þeir fást til að yfirgefa landið? Ef ekki, hvaða stall þá? Vítisenglastallinn? En þetta fólk gerði ekkert ólöglegt og gerir ekkert ólöglegt í sínu landi. Klámhundarnir lýstu því meira að segja yfir, eftir að hótelið var svo óforskammað að heimta slíka yfirlýsingu frá þeim, að þau hyggðust ekki brjóta nein landslög hér á landi. Þá stendur eftir að við vildum ekki fá löghlýðna ferðamenn hingað, ferðamenn eru fjáðari en gengur og gerist. Hverjum hafnar VG næst?

Og setningin: "Einstaklingur sem starfar í klámiðnaðinum vegna neyðarinnar einnar og/eða gegn vilja sínum er því beittur kynferðisofbeldi" finnst mér  merkileg. Gildir það bara um klámiðnaðinn að einstaklingur sem starfar þar neyðarinnar vegna er beittur kynferðisofbeldi? Látum kynlífshlutann liggja kyrran og yfirfærum þetta á önnur störf. Sá sem fer að vinna á McDonalds vegna þess að hann fær enga aðra vinnu, sem sagt starfar þar neyðarinnar vegna, er hann þá beittur ofbeldi? Sem sömu röksemdafærslu kemst ég að eftirfarandi: þegar ég vann í Bæjarútgerðinni á sínum tíma þá var ég beittur ofbeldi.

Hvar varst þú beitt/ur ofbeldi?

 

Fylgi VG og Samfylkingar mælist álíka mikið í nýrri könnun

Feður sem eru plagaðar af þreytu, streitu og samviskubiti eru það sem börnin okkar þurfa

"Mæður sem eru plagaðar af þreytu, streitu og samviskubiti eru ekki það sem börnin okkar þurfa" 

"Loks lýsti Samfylkingin yfir skýrum pólitískum vilja til að vinna að fullu jafnrétti milli karla og kvenna."

segir Ingibjörg Sólrún. Gott og vel en hvað um feðurna? Þurfa börnin feður sem eru plagaðir af þreytu, streitu og samviskubiti? Nema hún haldi að við höfum ekki samviskubit yfir að geta ekki sinnt börnunum okkar?

Og hvers vegna á þetta að gerast "að loknum kosningum"? Er ekki hægt að vinna í þessu þótt flokkurinn sé í stjórnarandstöðu? Hvað með samband Sf við verkalýðsfélögin og atvinnurekendur, er ekki hægt að sinna þessu þar?

Þegar mikið er spurt... (svo maður vitni frjálslega í vinsælan bloggara)

Samfylkingin vill taka upp viðræður um að stytta vinnutíma í áföngum

...og annar á báti

Mér finnst stundum eins og ég sé einn á báti hjá VG. Ég er því ekki hissa á að það sé einn - nei, tveir á hjóli þar.

Einn á hjóli hjá VG

Haga sér ekki endilega manna best

Þetta er frekar mismvísandi fyrirsögn hjá mbl. Þótt það séu fáir fangelsaðir þá þýðir það ekki að þeir brjóti ekki af sér. Hér eru t.d. barnaníðingar og aðrir ógjarnan fangelsaðir finnst manni og mætti vera meira um það. Skilorði er mikið beitt amk hér og mér þykir ólíklegt að það sé minna um það í Færeyjum þar sem menn þekkjast enn betur en hér. Þótt færri séu bak við rimlana þýðir það ekki að þeir hagi sér betur.

Þrátt fyrir þessa ábendingu þá skal tekið fram að mér er ekki illa við Færeyinga, þvert á móti, þeir sem ég hef kynnst hafa allir verið einstök gæðablóð og sómamenn. Ég vona því að þessi færsla sendi ekki færeysku mafíuna á eftir mér...

Færeyingar haga sér manna best