Er betra að fljúga með okurfyrirtæki og borga meiri pening fyrir?

Og hvað með tímann sem sparast? Er ekki tíminn peningar?

Ég vinstri maðurinn finn mig knúinn til að taka upp hanskann fyrir Geira og Sollu í þessum efnum. Kannski er þetta bara betri kostur og ódýrari þegar upp er staðið. Flug með Æslander og ÆslandExpress kostar pening (og það ekki lítinn), fyrirhöfn og tafir að frátöldum týndum farangri og öðrum óskemmtilegum uppákomum sem gerast í flugferðalögum til útlanda.

Við búum á eyju og það er dýrt að ferðast til annara landa (hvers vegna er samt dýrara að fljúga brot af leiðinni milli Evrópu og Norður-Ammríku en alla leiðina??????). Hins vegar er dýrt fyrir mig sem einstakling að hanga á flugvöllum og  ferðast til þeirra. Það er líka mikill kostnaður fyrir fyrirtæki, þess vegna er Saga Klass. En mesti hraðinn og mögulega þægindin eru í einkaþotum. Myndi ég ekki fara þá leiðina ef það munaði ekki miklu peningalega - ef ég sparaði eitthvað annað í staðinn: tíma, þreytu, etc.

Hins vegar er ég drullufúll út af "árangri" sendinefndar okkar þarna úti og nú geta þau ekki skýlt sér á bak við "jetlag" eða aðrar leiðindaafsakanir. Þarna afhjúpar Solla sitt innra eðli: hefur ekki tíma að hitta utanríkisnefnd þrátt fyrir tímasparnaðinn og samþykkir svo eldflaugauppbyggingu Bush yngri einróma. Ég átti ekki von á neinu góðu frá Geir og varð því ekki fyrir neinum vonbrigðum með hann.

Forsætisráherra á ferð og flugi