Hvers vegna er ekki bloggtengill við sumar fréttir á mbl.is?

Ég hef tekið eftir því undanfarið að sumar fréttir á mbl.is er ekki hægt að blogga við. Er þetta einhver stefnubreyting hjá mbl.is? Þeir hafa að vísu tekið út bloggtengilinn við slysafréttir (eftir mikið ámæli fyrr í sumar) en ég vissi ekki að það væri ákveðin ritskoðun í gangi um hvaða aðrar fréttir mætti ekki blogga um. 

Ein þeirra er niðurstaða  DNA-rannsóknar sem bendir sterklega til að Lúðvík sé ekki Gizurarson heldur Hermannsson Jónassonar, fyrrv. forsætisráðherra. Gott og vel, bloggar mbl gætu einhverjir bloggað ógætilega um það og kannski á særandi hátt fyrir aðstandendur. En svo er ekki um tækni- og vísindafréttina um "neindina" risastóru sem fannst nýverið. Hvers vegna má ekki blogga um hana?

Kannski maður skutli pósti á moggabloggmenn og fái úr því skorið hvaða mælistiku er beitt að þessa ritskoðun. 

Athugasemdir

[Gísli Ásgeirsson, 28.8.2007 kl. 17:31]

Þú svarar spurningunni sjálfur. 

"Gott og vel, bloggar mbl gætu einhverjir bloggað ógætilega um það og kannski á særandi hátt fyrir aðstandendur.  "

[Gúrúinn, 28.8.2007 kl. 17:40]

Já en Gísli, hvers vegna er þá ekki hægt að blogga um "neindina"? Er hægt að blogga ógætilega um hana og særa aðstandendur? Hvað veldur því?

[Anna Ólafsdóttir (anno) (IP-tala skráð) 28.8.2007 kl. 18:00]

Ég sendi fyrirspurn í tölvupósti þar sem ég spurði af hverju ekki væri hægt að blogga um eina íþróttafrétt sem ég sá og svo aðra frétt um Netkaffi og heimilislaus. Mér var sagt að þetta hefðu verið mistök og það var lagfært

[Gúrúinn, 28.8.2007 kl. 18:29]

Þau eru þá orðin æði mörg mistökin hjá þeim síðustu dagana.

Mig grunar nú frekar að mbl.is sé að minnka bloggtengingarnar í kjölfar vaxandi óánægju og brotthvarfs margra þungaviktarbloggara. Er það þess vegna sem nýjasta útspilið þeirra, Heitar umræður, sem á að taka við sem mælistika á bloggvinsældir svo annar Bolur dúkki ekki upp.

Hins vegar er þess örugglega ekki langt að bíða þar til Bolsaðferð verði beitt á hana til að næla sér í heitustu umræðuna.

[Gísli Ásgeirsson, 28.8.2007 kl. 21:59]

Þú hefur lög að mæla með Neindina. Ég sá að frétt um Mont Blanc hlaupið bauð ekki upp á bloggfærslu og ekki heldur frásögn af meintri sjálfsvígstilraun leikara í Hollywood.  

Annars er fyrsti Umræðubolurinn byrjaður að þreifa fyrir sér en hefur ekki erindi sem erfiði.