Ég og menningin

Fór á færeyskt menningarkvöld á föstudaginn og fékk mér skerpukjöt og Black Sheep öl með. Svo var dansaður hringdans. Tvö skref til vinstri og eitt til hægri. Meira að segja ég gat dansað með og ég held að allir hafi skemmt sér konunglega. Ég sé fram á meiriháttar Ólafsvöku einhvern tímann í Þórshöfn þar sem dansinn dunar og gólfið dúar (eins og það á að gera samkvæmt færeyskum heimildum mínum).

Svo eru það kertaljósatónleikarnir hans Harðar Torfa í kvöld. Ómissandi í dymbilvikunni.