Villandi frétt - eina ferðina enn

Helmingur paranna fékk þau fyrirmæli að setjast niður og rifja upp góðar stundir sem þau hefðu upplifað saman, horfa í fimm mínútur á rómantíska kvikmynd og að lokum faðma hvort annað í 20 sekúndur.

Ergo: knús er hollt!

En þetta stemmir ekki við fréttina. Faðmlagið er sá hluti sem tekur skemmstan tíma. En þetta er meira sláandi fyrirsögn og gengur betur í pöpulinn sem vill bara auðmelta og auðskiljanlega hluti án þess að þurfa að hugsa neitt.

Rannsóknir hafa fyrir löngu sýnt fram á að smá slökun hefur góð áhrif á hjartað og minnkar líkur á hjartasjúkdómum. Það sem gerðist í þessari tilteknu rannsókn er að fólk fékk fyrirmæli um að rifja upp góðar stundir (=slökun), horfa á uppbyggilegt efni (=slökun) og loks faðma hvort annað (=slökun). Mér finnst líklegra að það að setjast niður hafi haft þessi áhrif frekar en knúsið.

Ég læt það þó ekki aftra mér frá því að knúsa sem flestar í dag með þessa frétt sem afsökun

 

Knús er hollt