Það besta sem til er?

Ég veit fátt betra en að vakna snemma, helst fyrir kl 6 og vera einn að sötra morgunkaffið, lesa blöðin, bæði á pappír og netinu og vinna smá ef ég þarf þess. Það er svo mikil kyrrð og ró á þessum tíma að maður kemur heilmiklu í verk, sennilega er klukkutíminn milli 6 og 7 megnið af þessum 20% sem maður afkastar yfir daginn.

Þar fyrir utan nær maður að hlaða batteríin og er miklu meðvitaðri um daginn einhvern veginn. Þetta er nánast hugleiðsla.

Fyrir þá sem ekki hafa prófað þá mæli ég eindregið með þessu.