Nýtt starfsfók - vikulega!

Það viljum við! Um að gera að hafa starfsmannaveltuna sem mesta og halda sem minnst í starfsfólkið  því ungviðið þarf jú að kynnast sem flestum. Þá er upplagt að hrekja þá sem álpast í vinnu á leikskólanna í burtu með smánar- og lúsarlaunum. Enda getur þetta krakkager bara alið sig upp sjálft, lyklabörnunum tókst það með ágætum, hvergi vottar fyrir eiturlyfjum eða ofbeldi og allir hugsa meira um náungann en sjálfan sig. 

Nóg að kenna þeim að lesa og látum þau svo fá þessa bók

Lýsa yfir áhyggjum af starfsmannaskorti á leikskólum

Vita olíufélögin af þessu?

En olían hækkar hér á landi? Hvað kemur til og hvað veldur? Hvurs lags er þetta?

Mann er að gruna að olíufélögin eru bara þegar upp er staðið.

Útlit fyrir frekari lækkun á heimsmarkaðsverði á olíu

Verslum við samkeppnina - AO

Eina ráðið til að þessir menn finni fyrir því er að hætta að versla við olíufyrirtækin sem hafa ítrekað tekið okkur ósmurt í gegn um árin (líkt og tryggingarfyrirtækin með ökutækjatryggingarnar).

HÆTTUM AÐ VERSLA VIÐ ÞÁ !!! 

Kaupum bensin og dísiel  hjá Atlantsolíu, þeir hafa þó stuðlað að aðeins lægra verði frá því þeir komu á markaðinn.

Annars seldi ég bíl nr. 2 og ætla bara að vera á hjóli/strætó í vetur á meðan konan notar bíl nr. 1 þegar hún þarf á honum að halda. 

Bensínverð hækkar

Blair on a G-String

Ég rakst á færslu hjá konunni sem kyndir ofninn sinn og þar vísaði hún í að hafa fundið Blair á G-streng. Mér var skemmt og læt því hlekkinn á færsluna hennar fylgja með. Áhugasamir um Blair og G-strengi almennt geta skemmt sér þar.

CIA, Vatikanið, Microsoft og fleiri ritskoða Wikipedia færslur

Wikipedia Scanner er sniðugt tól sem skannar hvaða fyrirtækjum og samtökum tölvur tilheyra sem breyta Wikipedia síðum. Það hefur m.a. komið í ljós að tölvur frá CIA, Vatikaninu, Microsoft, bandaríska demókrataflokknum og fleirum hafa verið notaðar til að breyta færslum Wikipedia og oftar en ekki ritskoðað síðurnar.

Ýmist eru óþægileg skrif fjarlægð eða síðunum breytt til hins verra. Minnir óneitanlega á Newspeak.

Hér er grein Wired um þetta og svo er hér umfjöllun BBC News.  

Innpakkaðir kálbögglar í náttfötum?

Þeir snæða saman "óformlegan hádegisverð" og það í "gæsalöppum" !!

Þegar ég tek mig til þá snæði ég óformlega hádegisverð. Þeir hafa væntanlega gert það sama, þ.e. snætt óformlega saman hádegisverð.

Annars þætti mér gaman að vita hvernig hádegismatur "óformlegur hádegismatur" er. Innpakkaðir kálbögglar í náttfötum? Eyvindur á inniskóm? Lausgirt bjúgu? Myndir óskast, takk!

Bush og Sarkozy snæða saman „óformlegan hádegisverð“

Háttvirtur alþingismaður sunnlendinga ennþá stjórnlaus

Ég hef ekki lagt það í vana minn að hafa stór og ljót orð um menn eða málefni. Ég ætla ekki að gera það hér. Hins vegar skil ég ekki hvers vegna sunnlenskir kusu þennan mann á þing. Það er að minnsta kosti ljós að fangelsisdvölin kenndi honum fátt og iðrun er ekki eitt af því. Sennilega hefur hann lært það eitt að maður á ekki að láta hanka sig.

Segjast ekki hafa treyst sér lengur til að bera ábyrgð á Árna

Rökstuðningur

Hver er rökstuðningurinn fyrir gegnlagningu Löffa? Hér er einungis um hálffrétt að ræða. Hvar er vaskur fréttamaður að redda þeim upplýsingum sem á hana vantar þegar hans er þörf?

Burtséð frá því hvort Goldfinger sé löglegur, siðlegur eða hver kyns -legur þá  finnst mér það vera alvarlegt mál að neita um áframhaldandi leyfi til reksturs án nokkurs rökstuðnings og þar með kippa fótunum undan bullandi rekstri.

Er það nú stefna hjá Lögregluembættinu að leggjast gegn öllum endurnýjunum strippleyfa?

Hvar er afgangurinn af fréttinni???? 

Goldfinger missir leyfi til nektarsýninga

Hver á tónlistina?

Ég rakst á þessa grein Pálma Gunnarssonar og hvet alla til að kynna sér hana. Réttindaleysi tónlistarmanna er sláandi og sérstaklega sorglegt að lesa athugasemd Ómars Ragnarssonar.

Ég veit að þetta er svona enda hef ég fylgst með og oft rætt þess mál við vin minn, Hörð Torfa. Hann hefur sagt mér svakalegar sögur úr bransanum þegar maður er ekki hjá þessu eina útgáfufyrirtæki sem öllu ræður og þykist selja alla tónlist jafnt.

Er ekki málið að menn hika ekki við að stela tónlist (af netinu og víðar) vegna þess að þeir vita að þeir eru að stela frá Fyrirtækinu en ekki listamanninum sem Fyrirtækið er búið að misnota? Ég er viss um að fólk hætti að stela tónlist mikið til ef það vissi að listamaðurinn sjálfur fengi þann pening sem hann á skilið.

Hvað um það, lesið greinina hans Pálma.

:-D

 

 

 

 

VG með meira fylgi en Samfylking